Ծրագրի իրականացման համար կնքվել է երեք շինարարական պայմանագիր։

Մասնավորապես, Լուռու մարզի Ագարակ և Ուռուտ համայնքներում իրականացվում է 1․6 միլիարդ դրամի ջրահեռացման և ջրամատակարարման ծրագիր։

Որակյալ և հուսալի ջրամատակարարման և ջրահեռացման ապահովման համար երկու համայնքում կառուցվում է 3․96 կմ ջրատար համակարգ, 22․4 կմ բաշխիչ ցանց, 5․92 կմ տնային մուտքերի կառուցում, կտեղադրվի 592 անհատական ջրաչափական հանգույց։ Կառուցվում է 29․7 կմ կոյուղագիծ, երեք հատ օրվա կարգավորիչ ջրամբար։ Բնակավայրերը կունենան կեղտաջրի մաքրման երկու կայան։

Ուռուտ բնակավայրի ջրամատակարարման համակարգի վերակառուցումը լիարժեք ավարտին հասցնելու և որակյալ, հուսալի ջրամատակարարման ապահովման համար ծրագրում ներառվել են լրացուցիչ աշխատանքներ՝ բնակավայրը սնուցող ջրատարի 4,35 կմ երկարությամբ հատվածի փոխարինում՝ շուրջ 102,0 մլն դրամ արժեքով, ինչպես նաև 38 մլն դրամ ջրամատակարարման խողովակաշարը գետի հեղեղումներից պաշտպանելու համար ափամերձ հատվածներում հենապատի կառուցում գաբիոնային շարվածքով՝ 38,0 մլն դրամ արժեքով։